[b]تتجوزيني ......................[/b]

استعرض الموضوع السابق استعرض الموضوع التالي اذهب الى الأسفل

اعلان [b]تتجوزيني ......................[/b]

مُساهمة من طرف Merooo في الجمعة 28 نوفمبر 2008, 3:08 am

تتجوزيني ......................

--------------------------------------------------------------------------------

تتجوزيني ؟

ـ أفندم؟

ـ بقولك تتجوزيني ؟

ـ؟؟؟

ـ تتجوزيني ؟

ـ لأ

ـليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتيهتتجوزي عربية ؟

ـ لأ ! .. بصراحة كده .. إنت مش فارس أحلامي اللي باتمناه :closedeyes:


***********************************

ـ تتجوزيني؟

ـ إيه ده ؟ شكلك اتغير :headphonedance:

ـ إيه رأيك ؟

ـواو .. شعرك بقة ناعم ! .. دي باروكة ؟

ـ أيوة

ـ ودي عدسات خضراء؟

ـ أيوة

ـ واو ! .. بس بجد .. بقيت وسيم .. واو ! ده انت بقيت شبهنيكولاس كيج

ـ مين عباس كيج ده ؟

ـ عباس ؟!! ياي .. إيه عباس دي ؟اسمه نيكولاس ..

ـ مين نيكولاس ده ؟

ـ بقة مالكشي في السيما وجايتكلمني ؟ .. ياي


***********************************

ـ تتجوزيني؟

ـ انت لسه ليك عين تكلمني ؟

ـ أيوة .. أنا عرفت مين بنكرياس كيج ده

ـ أولاً : اسمه نيكولاس كيج

ـ أيوة أيوة .. كنت هاقول اسمه صح .. بساختصرته .. ده ممثل

ـ ممثل إيه ؟

ـ ممثل أمريكاوي

ـأمريكاوي ؟! .. إخّييي ! .. اسمه أميريكان يا بابا .. ما تبقاش دونكي

ـدونكي دي تبقى شتيمة ؟

ـ أوف كورس

***********************************

ـ تتجوزيني ؟

ـ عندكعربية موديل كام ؟

ـ موديل دي تبقى شتيمة؟


**********************************


ـ تتجوزيني ؟

ـقوللي الأول .. حاطط أنهي نغمة في الموبايل بتاعك ؟

ـ نغمة دي تبقى شتيمة ؟



***********************************


ـ تتجوزيني؟

ـ ما قلتليش .. إنت بتشتغل إيه ؟

ـ أنا -بلا فخر- عاطل

ـعاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعنيمش هتتجوزيني ؟

ـ لا

ـ كدة أنا أزعل

ـ ما تزعلش يا بابا .. خليك فريش

ـ ماشي .. ماشي .. بس قوليلي

ـ إيه ؟

ـ فريش ديتبقى شتيمة ؟ :closedeyes:


***********************************

ـ تتجوزيني ؟

ـلقيت شغل ؟

ـ أيوة طبعًا .. سنتين وأنا بادور .. أخيرًا لقيت

ـ وإيههو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيهاإيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القرف :thumbdown:


***********************************

ـ تتجوزيني؟

ـ جمعت مبلغ كويس ؟

ـ طبعًا .. مبلغ كبير جدًا

ـ قد إيهيعني ؟

ـ ألف جنيه

ـ نعم ؟!!! .. ألف جنيه دول تروح تسرح بيهمببطاطا

ـ يعني موافقة ؟

ـ روح اتنيّل


***********************************


ـ تتجوزيني ؟

ـعندك شقة ؟

ـ طبعًا .. أودة على السطوح
ـ نعم ؟

ـ إيه المشكلة ؟! .. أحسن ما ننام في الشارع

ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة

ـ طيب .. كلها كام سنة وأجيبلك أحسن شقة فيالدنيا

ـ وهتجيبها في جاردن سيتي ولا في الزمالك ؟

ـ لا .. فيالأهلي .. هيهع هيهع هيهع :new_ukliam2:



***********************************





( بعدسنوات)
:


ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكنالمهم إنها جات

ـ فانتاستيك

ـ بس الشقة ناقصة حاجة

ـ إيههي ؟

ـ مفيهاش حمام

ـ امشي من قدامي ! .. مشطايقاك





***********************************







ـتتجوزيني ؟

ـ إنت تاني ؟

ـ جبتلك حمّام إنما إيه

ـ خليهينفعك

ـ ليه بس ؟ .. ده ينفع لينا احنا الاتنين

ـ وأنا مالي؟

ـ مش عاجبك .. مش مشكلة .. أكتبه باسمك



***********************************







(بعدسنين)
..



ـ هتتجوزيني ولا أولع فيكي ؟

ـ ومالك محروق كدة؟

ـ حكايتنا طولت قوي .. طولت أكتر من اللازم

ـ أوكي .. بس ممكنأعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك
(بضم الحاء)

ـ بحُبك؟!! .. إيه بحُبك دي ؟! .. إسمها بحِبك
(بكسر الحاء)
! .. بعدين
خليك روشوقول
:
I love you

ـ ماشي .. بس قوليلي

ـ نعم ؟

ـ روشدي تبقى شتيمة؟



***********************************







ـتتجوزيني ؟

ـ بصراحة .. في حاجة كنت عاوزة أقولهالك من زمااااااان

ـإيه ؟

ـ أنا بصراحة .. مش شايفة إن في حد في العالم يستاهلني

ـ ياسلام ! .. ليه ؟

ـ عشان أنا جميلة .. خفيفة الدم .. رشيقة .. رقيقة

ـ رقيقة ؟! .. ده انت بدأتي تقشفي

ـ فشر

ـ فوقي لنفسك .. العمر بيجري

ـ أنا مصرة على رأيي

ـ يعني إيه ؟

ـ يعني اقطعمعايا

ـ بعد كل السنين دي ؟! .. بعد كل الحب ده ؟ـ بلاش تراجيديا من فضلك

ـ ماشي .. بس قبل ما أمشي عاوز أسألك سؤال واحد بس

ـ إيه هو؟

ـ تراجيديا دي تبقى شتيمة؟




***********************************







( بعد سنوات )
..







ـ تتجوشيني ؟

ـ إيه؟

ـ تتجوشييينييييييي ؟

ـ إنت مين ؟

ـ أنا حبيبك يا هبلة .. البشي النضارة عشان تشوفيني

ـ طيب شاعدني عشان ألاقي النضارة

ـ آهيعلى الترابيزة قدامك

ـ فين ؟

ـ لا دي نظارتي أنا

ـ أيوةلقيتها

ـ البشيها بقة

ـ ططييبب

ـ عينيكي فوق شوية .. دهبقك

ـ طيب لبشهالي إنت

ـ عقبال ما البشك الدبلة

ـ ماتكشفنيش .. كنت بتقول إيه بقى ؟

ـ كنت بقول تتجوشششيييينيييييي ؟

ـأكوشك ؟ .. إزاي ؟

ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟

ـ دي شتيمة ؟

ـ لاااااء .. بقولك تتجوشيني ؟

ـآه !! .. أجوشك

ـ بالضااااابط .. هاه ؟

ـ شيبني أفكر

ـأشيبك تفكري ؟! .. ده انت هتموتي خلاش ـ لا .. شيبني أفكر بش

ـ ربنا يوفقك

ـ إيه ؟

ـ ربنا يوفقك

ـ بتقول إيه ؟

ـ ربنا ياخدك



***********************************






(علىفراش الموت)
:



ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ .. كوح كوح .. يني ؟

ـ مش شامعة

ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح

ـ أجوش مين ؟

ـ هـ .. و.. ه .. كووح كوح كاح .. هوه إنتي .. كوحكوح .. معرفتيـ .. ش .. كوح كوح كيح .. ميـ .. كوح .. مين ؟

ـ إيه ؟

ـ لا .. كوح .. أبدًا .. كوح .. كنت … كح كح .. بأكح

ـ كنت بتكح؟!!!! .. شلامتك .. ما قلتليش ليه ؟

ـ هو .. كوح .. إنتي .. لشة .. عارفـ .. ـة .. كوح كوح

ـ بتقول إيه ؟

ـ يا .. ولية .. كوح كوح .. ردي .. كوحكوح .. عليا .. تـ .. تـ .. جو.. شيـ .. كوح كوح كوح كوح .. نـي ؟

ـ أجوشك؟!! .. طب بش خد الدوا الأول

ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟

ـ أيوة يا حاج .. موافقة

موافقة إنك تتكوشني أخيـ….كوح كوح ..راااااً !! .. كوح كوح .. كدة أموت .. كوح
كوح .. وأنا .. كوح .. مطمئن ومرتاح .. الودااا .. كوح ..ع ع ع ع

ـيا حاج ..
لاااااااااااااااااااا
الله يرحمة بقي
avatar
Merooo
نزيل ذهبى
نزيل ذهبى

انثى
عدد الرسائل : 188
العمر : 26
العمل/الترفيه : طالبة ف طب بيطري السادات
المزاج : مش تمااااام
sms : ... قول يارب...
الصبر حلو بس يكمل حلمنا..
متقولش بكره ..بكره ملك ربنا..
والله ف سماه لتروق أوي........ وتضحك لنا....
.. بس قول يارب ..
تاريخ التسجيل : 05/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: [b]تتجوزيني ......................[/b]

مُساهمة من طرف sosty_honeygirl في الجمعة 28 نوفمبر 2008, 8:27 pm

ههههههههههههههههههههههههههههههههههههههههههههههههههههه الحمد لله بس انها وافقت قبل مايموت
Very Happy
avatar
sosty_honeygirl
مشرفة
مشرفة

انثى
عدد الرسائل : 141
العمر : 26
العمل/الترفيه : طاااااااااااااااااالبة لسا في اولى وربنا يستر
sms :
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: [b]تتجوزيني ......................[/b]

مُساهمة من طرف Dr. Jo MaNjY في الإثنين 01 ديسمبر 2008, 2:43 am

يالا محصلش نصيب ههههههههههههههههههههههههههههه lol!
avatar
Dr. Jo MaNjY
مشرف
مشرف

ذكر
عدد الرسائل : 277
العمر : 28
العمل/الترفيه : صاحب شركات اللى فات مات
المزاج : تحت الصفر sottozero
sms :


My SMS


تاريخ التسجيل : 24/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: [b]تتجوزيني ......................[/b]

مُساهمة من طرف dr_amoul في الخميس 04 ديسمبر 2008, 11:35 pm

يا صبر ايووووووووووووووب ايه دا دا الموت رحمه
avatar
dr_amoul
مشرفة
مشرفة

انثى
عدد الرسائل : 204
العمر : 27
العمل/الترفيه : بيطري السادات
المزاج : عال العال والحمد لله
sms : اللهم اني اسالك الاخلاص في القول والعمل
تاريخ التسجيل : 10/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى