نصائح للبنت ايام الخطوبة

استعرض الموضوع السابق استعرض الموضوع التالي اذهب الى الأسفل

اعلان نصائح للبنت ايام الخطوبة

مُساهمة من طرف sosty_honeygirl في الأحد 07 ديسمبر 2008, 1:09 am

بسم الرحمن الرحيم
آنـسـتـي العـزيـزة



آنستي العزيزة.. لو ربنا فك عقدتك.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس قصدي قفص الزوجية السعيد ..



أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. قلنا رقَّه


1

الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا


2 -


العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِـفِّي زي ماانتِ عايزة



3 -



الشوووربة.. أبوس كعب رجلك.. بند الشوربة ده مهم جدًاااا
الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك ..بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميليه.. عشان تلهطيها لآخر نقطة


4 -

الرز طبعاً .. بيتّاكل بالشوكة.. أوعي إيدك تتمد على المعلقة وتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه



5 -

المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود



6 -

السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلح شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك



7 -

الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي
قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

8 -


البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي


9 -


الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي


10 -


ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيه وبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّك وبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبلهنااااااااااااااااااااااااااااااا والشفااااااااااااااااااااااااااااااااااااااااا

avatar
sosty_honeygirl
مشرفة
مشرفة

انثى
عدد الرسائل : 141
العمر : 26
العمل/الترفيه : طاااااااااااااااااالبة لسا في اولى وربنا يستر
sms :
تاريخ التسجيل : 27/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: نصائح للبنت ايام الخطوبة

مُساهمة من طرف Dr. Jo MaNjY في الأحد 07 ديسمبر 2008, 1:24 am

توبك جبااااااااااااااااااار
يا سلام سلام
ايوة الحلاوة دى
avatar
Dr. Jo MaNjY
مشرف
مشرف

ذكر
عدد الرسائل : 277
العمر : 28
العمل/الترفيه : صاحب شركات اللى فات مات
المزاج : تحت الصفر sottozero
sms :


My SMS


تاريخ التسجيل : 24/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: نصائح للبنت ايام الخطوبة

مُساهمة من طرف koky_2008 في الأحد 07 ديسمبر 2008, 11:50 am

حلوة اوى بس انا عن نفسى ححاول اكل بذوق اكتر شويه بس مش حعمل حاجة انا مش متعودة عليها عشان لما اتجوز مايتصدمش و يسيبنى بعد اول طبق شربه مع انى مش بحب اشربها ههههههههههههههههههههههههههههههههههههههههه
avatar
koky_2008
نزيل ذهبى
نزيل ذهبى

انثى
عدد الرسائل : 131
العمر : 28
الموقع : vetmedalex.org
العمل/الترفيه : طالبه بيطرية
المزاج : منفضة للدنيا
sms : يا سائل عننا حنقولك اننا شباب و بنات ميه ميه من بيطرى اسكندريه
تاريخ التسجيل : 12/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: نصائح للبنت ايام الخطوبة

مُساهمة من طرف dr_amoul في الإثنين 08 ديسمبر 2008, 1:25 am

بجد حلوه اوي بس انا راي والله ان المفروض كل حاجه تبان من الاول بدل العذاب دا واحنا في الحقيقه بناكل عادي مش دي ال.......فعادي بقي واتمنلكوا خطوبه سعيده يليها زراج باذن الله
avatar
dr_amoul
مشرفة
مشرفة

انثى
عدد الرسائل : 204
العمر : 27
العمل/الترفيه : بيطري السادات
المزاج : عال العال والحمد لله
sms : اللهم اني اسالك الاخلاص في القول والعمل
تاريخ التسجيل : 10/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: نصائح للبنت ايام الخطوبة

مُساهمة من طرف Merooo في الإثنين 08 ديسمبر 2008, 2:21 am

موضوع حلو و كمان كوميدي
ميرسي ليكي
Laughing
avatar
Merooo
نزيل ذهبى
نزيل ذهبى

انثى
عدد الرسائل : 188
العمر : 26
العمل/الترفيه : طالبة ف طب بيطري السادات
المزاج : مش تمااااام
sms : ... قول يارب...
الصبر حلو بس يكمل حلمنا..
متقولش بكره ..بكره ملك ربنا..
والله ف سماه لتروق أوي........ وتضحك لنا....
.. بس قول يارب ..
تاريخ التسجيل : 05/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: نصائح للبنت ايام الخطوبة

مُساهمة من طرف marmer في الخميس 22 يناير 2009, 6:17 pm

هههههههههههههههه
ايه ده يابنتي ؟
انتي بتنتقمي من بنات المنتدي ولا ايه ؟
مش ناااااافع كده خالص
وبما انك دبستي نفسك
عايزين ما يوازيه للولد
ولا كده هضطر استعمل العنف
Evil or Very Mad Twisted Evil Mad No What a Face affraid scratch
avatar
marmer
نزيل ذهبى
نزيل ذهبى

انثى
عدد الرسائل : 205
العمر : 26
العمل/الترفيه : بيطري السادات
sms : ابتليت فثق بالله ولا تجزع ..... وإذا عوفيت فاشكر الله ولا تقطع ..... وأذا وقف بك أمر فلا تيأس ولا تطمع ..... وفوض أمرك إلى الله فنعم المرجع ..... وفي جوف الليل لربك اركع ..... ومن عظمته وخشيته ادمع ..... وعن طاعته لا ترجع ,واعلم ان انين التائبين عند ربك عظيم وهو رب كريم ..... فإذا فعلت فقد فزت بخير الدارين أجمع
تاريخ التسجيل : 15/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى