عزه.....اعترافات ثورجي

استعرض الموضوع السابق استعرض الموضوع التالي اذهب الى الأسفل

اعلان عزه.....اعترافات ثورجي

مُساهمة من طرف adnan في الثلاثاء 09 ديسمبر 2008, 2:24 am

عزه

الغرام في الدم سارح
والهوى
طارح معزه
والحنين للقرب بارح
والنوى جارح
ياعزه

ياابتسامة فجر هلت
بددت ليلي الحزين
ياندى الصبح الللي سأسأ
فوق خدودي الدبلانين
بل شوقهم
صحى لون الورد فوقهم
كل خد
وشم ورده
مين يدوقهم
غيرك انتي
ومين سواكي
ياحياتي
ياملاكي
يانسيم الحب لما هب
هز القلب هزه
ياهوى الاحلام ياعزه

...

الليلادي جم خدوني ياملاكي
جوز تنابله
ونص دسته
من التيران
كنت باحلم ياحبيبتي
كنت باحلم
بيكي انتي
كنا قال
انا وانتي قال
ف جنينه خضرا
ومحاوطها البرتقان
والسيسبان
وانتي جوا قرنفلايه
بالعبير بتستحمي
اجري يمك ياهوايا
تسبقيني وتجري يمي
أحضنك
واشرب عبيرك
من شفايفك
والغصون
واقفه وشايفه
بتراعينا
بس خايفه م العيون
والعيون بتقول كلام
والكلام
طاير حمام
بينادينا بالاغاني
ويهادينا بالسلام
كنت بحلم ياحبيبتي
كنت باحلم
بيكي انتي
ايوه انتي
ومين سواكي
ياحياتي
ياملاكي

يانسيم الحب لما هب
هز القلب هزه
ياهوى الاحلام ياعزه
وانطلق في الجو فجأه
ياحبيبتي
صوت مفاجأه
صوت يخلي الدم يجمد
اصحى يا احمد
اصحى يااحمد
وانتهى الحلم الجميل
وابتدا الهم التقيل
_ فين امام
_ انتوا مين
_ احنا ناس مكلفين
تيجي سالك مش ح تتعب
واحنا طبعا معذورين
_ انتو دود الارض
واللآفه المخيفه
انتو ذرة رمل
في عيون الخليفه
انتو كرباج المظالم
والمآسي
انتو عله ف جسم بلدي
انتو جيفه
_ سكتوه ابن الكلاب
سففوه من التراب
فتشوا كل الاماكن
طلعوا رفوف الدولاب
...

كمموني يا حبيبتي
كتفوني يا حبيبتي
قوموني..قعدوني
كل شعره في جسمي
بالعين فتشوها
المخده من جنانهم
شرحوها
وانتهى التفتيش
مافيش صدقيني
ماتخافيش
هو فيه ياعزه عندي ممنوعات
غير باحب الناس
وباكره السكات؟
...

بص واحد من التنابله
جوا عيني
وانتي عارفه عنيه صافيه وطيبين
زي كل عيون بلدنا يا حبيبتي
شباكين
ع القلب دوغري موصلين
كان مناه يلمح علامة خوف بسيطه
طب حييجي الخوف منين ابن العبيطه
هو مين فينا الجبان
ولامين فينا الللي خان
اللي قلبه بالمحبه و بالاماني
وبالربيع لاخضر مزهر
والاغاني
ولاكلب الصيد واسياده الاباطره
أكالين لحم البشر
فوق الصواني؟
هو مين فينا الجبان
ولامين فينا اللي خان
هو بص في عيني بصه
ارتجف وف حلقه غصه
واتعوج ومال وقال
جملتين مش مفهومين
أصله شاف صورتين جمال
في العيون الطيبين
مصر في العين الشمال
وانتي في العين اليمين
avatar
adnan
نكست فضى
نكست فضى

ذكر
عدد الرسائل : 90
العمر : 29
العمل/الترفيه : poem
المزاج : احسن منك!!!
sms :














تاريخ التسجيل : 03/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: عزه.....اعترافات ثورجي

مُساهمة من طرف adnan في الثلاثاء 09 ديسمبر 2008, 2:26 am

هو بص في عيني بصه
ارتجف وف حلقه غصه
واتعوج ومال وقال
جملتين مش مفهومين
أصله شاف صورتين جمال
في العيون الطيبين
مصر في العين الشمال
وانتي في العين اليمين
avatar
adnan
نكست فضى
نكست فضى

ذكر
عدد الرسائل : 90
العمر : 29
العمل/الترفيه : poem
المزاج : احسن منك!!!
sms :














تاريخ التسجيل : 03/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعلان رد: عزه.....اعترافات ثورجي

مُساهمة من طرف sandrilla في الثلاثاء 09 ديسمبر 2008, 1:03 pm

هو بص في عيني بصه
ارتجف وف حلقه غصه
واتعوج ومال وقال
جملتين مش مفهومين
أصله شاف صورتين جمال
في العيون الطيبين
مصر في العين الشمال
وانتي في العين اليمين


مش هاقدر اقول غير فنااااااااااااااااااااااان
والله العظيم فنان واثرت الشجون في قلبي
تسلم ايديك يافنان
avatar
sandrilla
مشرفة
مشرفة

انثى
عدد الرسائل : 257
العمر : 28
الموقع : www.egymedicine.com
العمل/الترفيه : طب بيطري السادات
sms : اللهم انك تعلم انهم اجباب قلب واصحاب درب فبلغهم مني كل حب وأدم الهي حبل الود واجمعني معهم عند الحوض فانهم للقلب حياة ونبض
تاريخ التسجيل : 08/09/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى